تاج وواجب صعب

بسم الله

اصعب تاج مر عليا

واسفة لتأخيري بس التاج كان صعب جداً

اذكر اسم لي بعتلك الواجب

شيماء علي ..صاحبة مدونة قهوة بالفانيليا

وسمر .. صاحبة مدونة واحدة شبهي

اذكر القوانين المتعلقة بهذا الواجب

هو قانون واحد معنديش غيره

ان لاتعبتر ماستقرأه بالأسرار لأني لا أحمل اسراراً

السؤال

اذكر ستة اسرار قد لا يعرفها من يراك لأول مرة

الجواب الصعب

هما مش اسرار بمعنى اسرار لأن لي يشوفني لأول مرة يقدر يعرفني بوضوح

بس بما اني طولت في حل الواجب نظراً لأني مقدرتش نحله بنفسي استعنت ببنات عمي فيروز ونور وصديقة عمري ريوة ودكرولي كدا حاجة عرفوها عليا من بعد وقت وقررت نحطهم كأجوبة على النقاط الستة

واحد... اي حد يشوفني لأول مرة لا يتوقع اني اكتب الشعر لأن اجوائي المرحة لاتعطي صورة بذلك

اثنين .. اي حد يشوفني يستحيل يعرف ان داري ممكن تكون مظلمة بالشكل المخيف هذا ..ومافيهاش غير الإضاءة الجانبية واجوائها الدائمة يسودها الضوء الخافث

ثلاثة.. من اول مرة محدش يقدر يستوعب اني قليلة الأكل بشكل غريب

اربعة.. اكتشفت منهم ان عندي هواية في صداقة الأصغر مني .. تقريبا كل اصدقائي اصغر مني سناً

خمسة .. يستحيل حد يشوفني لأول مرة يتوقع ان تكون شنطة يدي مليانة خيوط ووصلات كمبيوتر وفلاش ميموري واحتمال تلقى حتى كتشافيتي نجمة_مفك باللغة العربية_ نظراً لأن شكلي لايوحي بذلك

ستة..محدش يتخيلني ننسجم مع مبارة ولا نشرب ترمس شاهي قبل منرقد ولا نقعد ساكتة حتى يوم كامل عادي ولا متلا نفيق الساعة اربعة في اليل بس باش نكتب مسج او نكتب خاطرة عالقة فبالي ومحدش يتخيل اني ممكن نحط شكلاطة فوق الكمادينو او الرف لي بحدا سريري ونقعد طول ما اني راقدة ناكل فيها منغير منحس نفيق نلقاها تمت كانت اختي لي تقولي في هالحاجة وكنت نعرفها طبعا لما نلقى الشكلاطة مهناش

غريبة اطوار

شكراً للي ماقصروش فيا بكل ههههههههه

وجي دور ستة ضحايا

امرر التاج لستة مدونين

الصغننة الجديدة على عالم التدوين

جوجو

اختها الكبيرة العاقلة

رحيل

وليندا عارفتها مش حتحله

lyssandra

hibo

nasimlibya

وربي يكون في عونكم